تھر پار کر (سندھ)

یہ المیہ شاید  برصغیر کا ہے یا صرف ہمارے ملک کا یہ مجھے نہیں پتا کیوں کہ میرا علم ناقص ہے اور ابھی تو سیکھنے کا عمل بھی پوری طرح شروع نہیں کرپائی اور بلاگ لکھنے کی جرآت کر بیٹھی ہوں یقیناً احباب اعلٰی ظرفی کا مظاہرہ کرتے ہوئے میرے ہر بات سے اتفاق کریں گے  اوہ میرا مطلب تھا کہ درگزر کریں گے ۔

یہ تصاویر ضلع تھرپارکر سندھ کی ہیں۔  دنیا کی خوبصورت ترین جگہوں میں اس کا شمار ہوتا ہے جہاں میں جانا چاہتی ہوں اور زندگی کو اپنی مرضی سے اس کے تمام رنگوں اور رعنائیوں کے ساتھ محسوس کرنا چاہتی ہوں۔  تھرپارکر سند ھ کا اکیسواں اور بعض جگہوں پر تینتسواں ضلع لکھا گیا ہے انٹرنیٹ سرچنگ کے مطابق لیکن میرا خیال ہے کہ یہ اکیسواں ہی ہے بہرحال سند ھ میں ہے اور بیس کی لائن میں بھی تو یہ بحث فضول ہے۔ یہ دنیا کا سب سے زرخیز صحرا ہے اور پاکستان کا سب سے بڑا صحرا بھی۔  یہ پاکستان کا واحد ضلو ہے جہاں 33 فیصڈ ہندو آیاد ہیں اور باقی اکثریت بلاشبہ مسلمانوں کی ہی ہے ۔ قیامِ پاکستان کے وقت یہاں 80 فیصد ہندو آباد تھے لیکن 1965 اور 1971 کے عرصہ میں وہ لوگ ہندوستان ہجرت کرگئے۔