کہتے ہیں عمرِ رفتہ کبھی لوٹتی نہیں۔۔۔۔

انسان جب شعور کی منزلوں کو طے کرتے ہوئے عمرِ عزیز کے مختلف ادوار سے گزرتا ہے جن میں پیدایش سے لے کر وفات تککے مراحل شامل ہیں بچپن انسانی زندگی کا سب سے حسین دور جب انسان کو نہ غمِ حیات کی پروا ہوتی ہے اور نہ ہی وہ غمِ جاناں کی قیامت خیزیوں سے واقف ہوتا ہے یہ انسانی زندگی کا وہ دور ہے جس کے بارے میں کوئی بھی شخص خواہ اس نے زندگی کے کیسے ہی رنگ کیوں نہ دیکھے ہوں، یادیں خوشگوار ہوں یا تلخ۔۔ ایک مقام پہ آکے تو انسان سوچتا ہے کہ ۔۔۔۔کاش! وقت ٹھہر سکتا، وقت لوٹ سکتا۔ لیکن کیا کیا جائے” کہتے ہیں عمرِ رفتہ کبھی لوٹتی نہیں ۔۔۔۔

بچپن پر بہت سے شعرا نے لکھا اور ڈوب کر لکھا یہاں میں آپ احباب سے ایک غزل شئیر کرنا چاہوں گی۔

میرے بچپن کے دن ، کتنے اچھے تھے دن۔۔۔۔۔

آج بیٹھے بٹھائے کیوں یاد آگئے!!!

میرے بچھڑوں کو مجھ سے ملا دے کوئی

میرا بچپن کسی مول لا دے کوئی

کتنی بے لوث تھی اپنی وہ دوستی

کتنی معصوم تھی وہ ہنسی وہ خوشی

کاش پھر وہ زمانے دکھا دے کوئی

وہ گڑیوں کی شادی وہ بچپن میرے

وہ سب مل کر ایک گھر بنانے کا کھیل

کیسے سہانے بہت دن تھے پرانے

میرے بچپن کے دن ، کتنے اچھے تھے دن۔۔۔۔۔

آج بیٹھے بٹھائے کیوں یاد آگئے!!!